[color=red]راسك علامه رافعه يوم احاكيك
الظاهر اني فوق حجمك عطيتك
لحظه نبي نرجع دقيقه لماضيك
بذكرك في أي حله لقيتك
كان الضياع ودمعتين تخاويك
منها روحي عز انهيارك خذيتك
وارخصت عمري لجل احبك واداريك
هدمت قصر الذل فيك وبنيتك
كان الغلا شمعه تنور لياليك
لو اظلمت دنياك حبيت واحتويتك
ياللاسف كنت امدحك وافتخر فيك
رفعت من شأنك وعليت هيبتك
كنت انت عندي غير....مقدر اخليك
اموت واحيا ان قلت سم وفديتك
واليوم اشوفك خنت حتى مباديك
صغرت في عيني وانا الي هويتك
الضيف لو انه عدو معاديك
غصب عليك تقدره وسط بيتك
ياصاحبي بتموت ماني براجيك
واشره علي ان كان حتى طريتك
لاصار ذل النفس في قلب يغليك
يغليك ياقلب عشقك وشريتك
اضحك حبيبي دام وقتك مسليك
باجر تموت من القهر لانسيتك[/color]
موضوع: راسك علامه رافعه يوم احاكيك 
السبت نوفمبر 01, 2008 3:00 pm
